Infozazpi irratiak programazio berria estreinatuko du

Programa berriz kargaturik dator gaurtik aurrera Infozazpi irrati librea. Goizeko tarteari indar berezia emango diote eta informazioa zein analisia izango dituzte oinarri.

Besteak beste, Doltza Barandiaranek aurkeztuko duen "Hitzen Lihoa" magazinea, "Ilargi Argitan" musika saioa edota "Uhaina Bikaina" surfaren inguruko albisteak bilduko dituen programa izango dira denboraldi honetako nobedadeak.

Horrez gain, hainbat saiok ordu aldaketak izango dituztela iragarri dute,  baita "Kalegorrian" saio ezagunaren mahai-inguruetan gonbidatu berriak egongo direla ere.

Ongi etorri!

Multimedia Komunikazioko alorrean murgiltzeko lehen saiakeran blog bat sortzeko eskatu digute eta hementxe nire ekarpena.

Blogari izenburu bat jartzeko izan ditudan buruhausteak ikusita, Berri Txarrak taldearen Pangea izeneko abestiaren letra etorri zait gogora, zerbait adierazteko zailtasuna ondo islatzen duen esaldia hain zuzen.

Horrelaxe sortu da zibespazioaren mundu zabalean txoko berri bat.

Besterik gabe, onki xin!